Мамандық таңдау – өмірдің ең маңызды шешімдерінің бірі. Ол сені үлкен өмірге жетелейтін көптеген баспалдақтардың алғашқысы. Қазіргі кезде әлемде мамандықтың қырық мыңға жуық түрлері бар. Оның кейбіреулері болашақта сұранысқа ие мамандық болса, көбісі сұраныссыз қалуы әбден мүмкін. Сол себептен де, болашақтың мамандығы – бұл келешекте қажетті ең табысты деп саналатын мамандықтар. Бүгінгі таңда керекті мамандықтардың атауын білу өте маңызды.
Менің ойымша, алдағы он жылда жоғары білімді талап ететін мамандықтар арасында сұранысқа ие болатындарды, медицина, модельдеу, инженерлік, компьютерлік ақпараттандыру, нанотехнологиялар, логистика, экология, инфрақұрылым, құрылыс және білім саласында қосымша білім педагогы деп нақты айта аламын.
Заман талабына сай өмір сүру керек деп жатамыз. Соған сай, жаңа мамандар қажет. Қазіргі таңда біздерге шетел тілін, компьютерді жоғары деңгейде қолданып, оның әртүрлі бағдарламаларын игеру талап етіліп отыр. Яғни инновациялық озық технологияларды терең меңгерген, нанотехникаларды игерген, компьютерлік бағдарламаларды құрастырушы мамандар – заман талабына сай пайда болып жатыр.
Бірақ мамандық таңдау барысында адам сұранысы бар, жоғына қарамай өзінің жүрегінің қалауы бойынша таңдауы керектігін ұмытпағаны жөн. Себебі, әрбір адамның болашағы таңдаған мамандығына тікелей байланысты. Өз жұмысын жақсы көріп, үлкен жауапкершілікпен атқарғанда ғана адам өзін бақытты сезінеді. Егер де ол мамандық өзіне ұнамай, тек өзгелердің айтуы бойынша сол жұмысқа кірген болса, адам өмірінің соңына дейін өзін ауыр сезініп, өмірде өз орынын таппаған адам қатарында жүретін болады.
Қорыта келгенде, мамандық таңдағанда болашақтағы мамандықтарға ғана емес, жүрек қалауына да үңілу Қажет. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Біздің елімізге аса қажетті мамандықта білім алғанымыз қоғамға да, өзімізге де пайдалы. Мен де мамандығымның қоғамға қажеттілігін сезіне отырып, мықты маман иесі болу үшін барлық күш-жігерімді аямау керекпін. Себебі, болашақ - өз қолыңда!
Болашақта мүлдем жаңа мамандықтарға қажеттілік туады.. Роботтар жұмыс жасайды.
Қазіргі ғылым генді, инженерия мен биология саласын дамыту үшін жұмыс істеуде. Біздің мамандықтар жайлы түсінігіміз өзгереді. Біз қаласақ та, қаламасақ та жұмыс орындары қысқарады. Роботтар қызмет етеді.
Қорыта айтқанда, өзімнің болашағым жарқын болу үшін жүрегім қалаған жаныма ләззат пен рух сыйлайтын мамандық таңдауға тырысамын. Әдетте мамандық таңдауда ата-анам, мұғалім ықпал етеді. Қазіргі заман ағымына ілесу үшін, білімді болуымыз керек.
