Қазіргі ғылым мен техниканың қарыштап дамыған заманында оқушылардың жалпы білімін көтеру,біліктілігі мен дағдыларын қалыптастырып,бүгінгі оқушы,ертеңгі білікті маман екенін ескере отырып,оларға кәсіби білім беріп,қабілетті мен дарынын аша білу, шығармашылыққа бағыт-бағдар беру-әр мұғалімнің мақсаты болып табылады.Оқушының шығармашылық қабілетін дамыту да үлкен қажырлы еңбекті талап етеді.Осындай қажырлы еңбегімен оқушыларға саналы білім мен тәлім-тәрбие беріп жүрген ұстаздардың бірі -Ақтөбе облысы,Хромтау ауданы, Көктау ауылы Нұрлы-көш орта мектебінің бастауыш сынып мұғалімі-Аристанбаева Шалқар Саламатовна.Ол әрбір оқушы бойындағы дарындылықты,ерекше қабілетті байқаған күннен бастап,сол оқушының шығармашылық қабілетін шыңдай түсуді өзінің басты міндеті деп санайды.
Өзінің 15-жылдық тәжірибесінің арқасында көптеген шәкірттерді қалалық,облыстық,республикалық байқауларға қатыстырып келеді. Ұстаз білімді болса-шәкірті мықты болары сөзсіз.Ұстазының үйреткенін әрдайым екі етпей орындап,соның арқасында жүлделі орындарға ие болып жүрген Нұрлы-көш орта мектебінің 4-сынып оқушысы- Нағашыбай Айнара Нұрлыбековна.
Айнара -2012 жылдың 17 ақпанында Хромтау ауданында дүниеге келген. Ол мәнерлеп оқу өнерімен кішкентай кезінен бастап көзге түсіп,ұстазының үйретуімен шыңдалуда.Айнара қазіргі кезде көптеген байқауларға қатысып жүлделі орындарға ие болып жүр. «Өнер-жастан» демекші Айнара қызымыз мәнерлеп оқу өнерімен қатар ,сурет салуды да жақсы меңгерген.
Айнараның жетістіктері өте көп.Мектеп қабырғасында емес, аудан,облыс көлеміндегі жарыстарына қатысып жүлделі I орынды иеленіп келеді. Республикалық intolimp.kz байқаудан мәнерлеп оқу өнерінен I орын, аудандық Дара бала М.Мақатаевтың Мұқағали-мәңгілік ғұмыр байқауының жеңімпазы,Математика пәнінен vpo.kz сайты арқылы ұйымдастырылған Республикалық виртуалды-олимпиядаға қатысып I-дәрежелі диплом иеленді,Халықаралық USTAZ TILEGI олимпиядасына қатысып жүлделі II-орын алды.Өнеге ҚР білім және ғылым басқармасы тарапынан ұйымдастырылған, Сегіз қырыл,бір сырлы байқауына қатысып жүлделі I-орынға ие болды.GRAND PRIX білім және иновациялық орталықтың ұйымдастырылуымен «Өлең-сөздің патшасы,сөз сарасы» номинациясының I-орын жүлдегері .Республикалық интелектуалды білім порталында «Абай-дана,Абай-дара» байқауына қатысып I-орын иегері атанды.Белес өнер орталығының ұйымдастыруымен «Абай-халық данасы» Республикалық байқауға қатысып жүлделі I-орын иеленді. Тұла бойы өнерге тынып тұрған Айнараның-әлі талай байқаулардың жеңімпазы болып,мектебіміздің абыройын асыруына сенеміміз мол!
