Математикалық сауаттылық авторлық бағдарлама

                                                   Түсінік хат

Оқушылардың функционалдық сауаттылығын дамытудың жалпы бағдары Қазақстан Республикасында білім беруді дамытудың 2011-2020 жылдарға арналған Мемлекеттік  Бағдарламасында және оқушылардың функционалдық сауаттылығын дамыту жөніндегі 2012-2016 жылдарға арналған ұлттық жоспарында анық көрсетілген.  Ондағы басты мақсат–жалпы білім беретін мектептерде Қазақстан Республикасының зияткерлік, дене және рухани тұрғысынан дамыған азаматын қалыптастыру, оның физикалық құбылмалы әлемде әлеуметтік бейімделуін қамтамасыз ететін білім алудағы қажеттіліктерін қанағаттандыру. Бұл үлкен жауапкершілік артатын үлкен мақсат. Оны шешу үшін ең алдымен оқыту мазмұны жаңартылып, ол әрбір оқушының жеке басының қасиеттері мен қабілеттерін дамытып, шығармашылығын ұштайтындай болып ұйымдастырылуы қажет.Қойылған міндеттерді шешу үшін оқушылардың интеллектуалды және шығармашылық мүмкіндіктерін дамыту және дарынды балалардың дамуы үшін мүмкін жағдайлар жасау қажет. Ал талапқа сай математикалық білім берудің басты шарты математикалық мәдениеттің деңгейін көтеру болып табылады.

Функционалдық сауаттылық - тұлғаның нақты мәдени ортада өмір сүру қызметін іске асыру үшін қажетті және әлеуметтік қатынаста ойдағыдай қызмет етуін қамтамасыз ететін білімі, ептілігі, дағдылары.

Математикалық сауаттылық функционалдық сауаттылықтың бір тармағы болып табылады. Сауаттылық қызметі – алған білім, білік, дағдысын күнделікті іс – әрекетте пайдалану біліктілігі. 

Бағдарламада   оқушылар меңгеруге  тиісті білім,білік, дағды мөлшері көрсетіледі. Бұл білім мөлшері оқушының жалпы білім беретін орта мектепке міндетті түрде барлық оқушы алатын білім мөлшеріне енеді.

Бағдарламаның мақсаты:

1. Оқушылардың математика пәні бойынша сауаттылығын арттыру,      математикалық қабілетін анықтау және дамыту; 
2. Бағдарламалық материалды терең игеруіне, өз білімін кеңейтуге ықпал жасау;
3. Стандартты емес, логикалық, күрделі есептерді шығару дағдыларын дамыту;
4. Дұрыс негізделген математикалық пайымдаулар айту;
5. Есептерді шығарудың тиімді тәсілдерін табу, орындау, өзін-өзі тексеру, өмірмен байланыстыру;
6. Математикалық білімді өмірлік жағдаяттарда кездесетін түрлі мәселелерді     шешуде еркін қолдану.
7. Шынайы дүниедегі статистикалық заңдылықтар мен оларды зерттеудің түрлі әдістері, ықтималдық сипаты бар қорытындылар мен болжамдардың ерекшеліктері туралы түсінік алу;   
8. Мәселелерді тани білу: әртүрлі формада берілген сандық ақпараттарды оқу, талдау, түсіндіріп беру;
9. Бұл мәселелерді математика тілінде құрастыру;
10. Бұл мәселелерді математикалық айғақтар мен әдістерді қолдана отырып шешу;
11. Қойылған мәселелерді есепке ала отырып нәтижелерді түсіндіру;
12. Ауызша, жазбаша, аспаптық есеп шығару үшін тәжірибелік дағдыларды қалыптастыру
13. Дәлелдемелі пайымдау жүргізу, талқылауға қатысу және логикалық негізделген қорытындылар жасау;

Бағдарламаның міндеттері:

1. Оқушылардың пәнге деген қызығушылығын арттыру мақсатында ізденіс жасау арқылы зерттеушілік қабілетінің дамуына ықпал жасау;
2. Практикалық мазмұнды есептерді шешудің әр түрлі тәсілдерін қолданып шешу, есептеу мәдениетін дамыту;  
3. Теориялық білімдерін іс жүзінде қолдануға, есеп шығару тәсілдері мен әдістерін меңгерулеріне көмектесу;
4. Қажетті, нақты тақырыптар бойынша математикалық білімдерін тереңдетіп, толықтыру;
5. Есте сақтау қабілетін арттыру мақсатында нақты іс тәжірибені қолдану;
6. Күрделі есептерді шешуде қиындықтарды жеңе білуге және күрделі түрден қарапайым түрге келтіру әдісін үйренуге тәрбиелеу.
7.     Авторлық бағдарламаның мақсаты: математика пәні бойынша ойлаудың математикалық стилін, интеллектуалдық (ахуалдық ) және сезімталдық қасиеттерді оқушыларға қалыптастыру, білімін тереңдету, кеңейту, логикалық есептерде тапқырлыққа баулу, қызығушылығын арттыру
8. Авторлық бағдарламаның  міндеттері :
9. -бала тұлғасының дұрыс өсуіне, ақыл ойдың дамуына оқушылардың интеллектуалдық (ахуалдық), сезімталдық – еріктілік, белсенділік қалыптастыру;
10. -оқушылардың логикалық ойлау қабілетін дамыту;
11. -математикаға деген ынтасын, қызығушылығын арттыру.
12. Авторлық бағдарламаның жүзеге асыру формалары:                              Жұмыс барысында  оқушылар ұсынылған мәліметтер арасынан ең қажеттілерін таңдап алып, қосымша материалдарды жинақтау арқылы курс бойынша құрастырылған  тапсырмалар арқылы ,практикалық сабақ,  топтық жұмыстар орындау, сайыс, ойын, зерттеу-ізденіс, сауалнама.
13. Бағалау формалары: оқушылардың білім деңгейі алға қойылған мақсат пен жас ерекшеліктеріне қарай бағаланады. Бағалау барысында: тақырыпты толық білуін,  мән мағынасын түсінгендігін сандарды дұрыс оқып, жазуы, олардың шығу тарихын, кейбір сандардың сырлары туралы біледі, өз бетінше шығармашылық тапсырмалар құрастыруы, математикалық және дидактикалық ойындардың  тапсырмаларын орындауын, геометриялық есептерді орындауының қалыптастырғанын ескеру қажет.

Күтілетін нәтиже:

-сандар туралы толық ақпарат алады;

-геометриялық есептерді шығара алады;

-логикалық есеп шығара алады;

-сөзжұмбақ, ребус, шытырман шеше алады;

-шығармашылық тапсырмаларды орындай біледі;

Білім өнімі: оқушылардың сабақ барысындағы танымдық, зерттеушілік іс-әрекетерінің барысында әзірленетін материалдар.

Жаңартылған білім мазмұны бойынша күтілетін нәтиже – қазақстандық патриотизм мен азаматтық жауапкершілік негізінде, сыйластық, бірлескен жұмыс, ашықтық, білімі мықты, қарым-қатынас қабілеті, тәртібі қалыптасқан, кеңейтілген дағдыларды меңгерген: білімді функционалдық және шығармашылық қолдану; сыни ойлау; зерттеу жұмыстарын жүргізу; ақпараттық-коммуникациялық технологияларды қолдану; әртүрлі коммуникация түрлерін қолдану, оның ішінде тілдік дағдыларды меңгеру; топта және жеке жұмыс жасау, жұптық жұмыстарды орындай білу, алған білімдерін жинақтап, әртүрлі мәселелерді шешуде қолдану икемділіктерін дамыту.

Нормативті бөлім

Күнтізбелік-тақырыптық жоспарлау