Білім беру саласы: Қатынас Ұйымдастырылған оқу қызметінің түрі: Сауат ашу негіздері Тақырыбы: «Ғ» дыбысы және әрпі Мақсаты: «Ғ» дыбысы және әрпі мен таныстыру Білімділік: «Ғ» дыбысын сөзде анық айта алуға машықтандыру. Дамытушылық: Ойын, тапсырмалар арқылы есте сақтау, ойлау қабілеттерін дамыту Тәрбиелік:Ұқыптылыққа, жауапкершілікке тәрбиелеу. Әдіс-тәсілдері: Шаттық шеңбер, түсіндіру, сұрақ-жауап, ойын, тақпақ.
Көрнекіліктері:Слайд, қол айна,кеспе әріптер, жұмыс дәптері. Алдын-ала жүргізілетін жұмыс:Қыс туралы тақпақ.
Билингвалды компонент: Ғарыш-планета,Ғарышкер-космонавт
Оқу қызметінің кезеңдері | Тәрбиешінің оқу-қызметі |
I.Кіріспе бөлім | Балалар, бүгін біздерге көптеген қонақтар келіп отыр. Қонақтармен амандасайықшы. Шаттық шеңбері: Қайырлы таң ұстазым! Қайырлы таң достарым! Шеңберге тұрайық , Жылулық сыйлайық. Доброе утро учитель! Доброе утро друзья! Посмотрите друг на друга Пожелайте добра! -Бір жылда неше мезгіл бар? -Жыл мезгілдерін рет- ретімен кім атап береді? - Қазір жылдың қай мезгілі? -Қыс мезгілінде неше ай бар? -Ай аттарын кім атап береді? -Қыс мезгілінің қазір қай айы? -Қыс мезгіліне байланысты тақпақ жаттаған едік, кім айтады? -Қыс мезгілінде ауа райында қандай ерекшеліктер болады? |
II.Негізгі бөлім | -Бүгін бізде Сауат ашу оқу қызметі. Жаңа тақырыпты бастамас бұрын, өткен оқу қызметіне тоқталамыз. Естерімізге түсірейікші өткен оқу қызметінде біздер қандай әріппен танысқан едік? -Й дыбысы дауысты дыбыс па, әлде дауыссыз дыбыспа? -Дауыссыз дыбыс қандай текшемен белгіленеді? Й дыбысы сөздің қай жерінде кездеседі? Ендеше балалар мына суреттерге қарап,атауында «Й» дыбысы бар сөздерді табайық. Ендеше айна сөзін жазып,дыбыстық талдау жасайық. Қанекей балалар,айна сөзін буынға бөлейікші? Неше буын? Не себепті екі буын? Й дыбысы сөздің нешінші буынында кездесіп тұр.
-Өте жақсы жарайсыңдар балалар, өткен оқу қызметі естеріңізде екен.
-Балалар қараңдаршы айналамызда көліктер бар екен.Көліктердің бірнеше түрі болады. Жер көлігі,су көлігі және әуе көліктері. Балалар әуе көліктеріне қандай көліктер жатады? Ал сендер зымыранның қайда ұшатынын білгілерің келеме? Оны біз сиқырлы шыны арқылы білетін боламыз? Балалар бұл жәй шыны емес,сиқырлы шыны.Бұл шыныны қазір сумен толтырамыз. Ал мынау не балалар,бұл жәй ғана ақ қағаз.Осы ақ қағазды суы бар сиқырлы шыныға салып көрейікші? Балалар, қараңдаршы не пайда болды? Міне көрдіңдерме балалар, зымыран ғарышқа ұшады екен. -Зымыранмен кім ұшады? - Ендеше бүгінгі біздің танысатын жаңа тақырыбымыз «Ғарышкер» «Ғарыш» сөзінің бас әрпінде естіліп тұрған «Ғ» дыбысы және әрпі. Мынау «Ғ» әрпінің үлкен және кіші таңбасы. «Ғ» әрпінің дыбысталуын бейнеролик арқылы тыңдап көрейік. Ендеше балалар, парта шетінде тұрған қол айнаны алып, айнаға қарап «Ғ» әріпінің дыбысталуын айтайық. Ғ-ғ-ғ Көрдіңдер ме,балалар «Ғ» дыбысын және әрпін айтқан кезде ерін ашылып,тіліміздің ұшы тілдің астыңғы түбіне тиеді екен де дауыс дірілінен «Ғ» дыбысы пайда болады екен. «Ғ» дыбысы кедергімен айтылады.Олай болса «Ғ» дыбысы ұяң дауыссыз дыбыс екен. Дауыссыз дыбыстар қандай текшемен белгіленеді? Енді «Ғ» әрпінің таңбалануын яғни жазылуын ауада жазып көрейік. «Ғ» дыбысы сөздің басында, ортасында, кездеседі «Ғ» дыбысы кездесетін қандай сөздерді білесіңдер? Тіл ұстарту жаттығуын жасаймыз, мен бірінші өзім айтамын сендер қайталайсыңдар. Ер-ер –ер Біз боламыз ғарышкер. Ға-ға-ға Біз ұшамыз айға.
Сергіту сәті: Отырайық, тұрайық. Әріп сырын ұғайық. «А» дегенде отырып, «Б» дегенде тұрайық «А», «Б»... «А», «Б»... Отырып тұр тағы.
Саусаққа арналған жаттығу: Алақанды ашамыз, Саусақтарды қозғаймыз. Алақанды жұмамыз, Жұдырықты бұрамыз. Дәптермен жұмыс: 1-тапсырма: Тыңда және суретте не болып жатыр деп ойлайсың? 2-тапсырма: Сөздерге дыбыстық талдау жаса, «Ғ» дыбысының орнын тап. 5-тапсырма: «Ғ» әрпінің таңбасын баспа түрінде үзік сызықтар арқылы жаз. Ойын: «Тапқыр аялдама» Шарты: Көліктерді жылжыта отырып,әр аялдамада кездескен әріптерді оқу. |
III.Қорытынды бөлім | -Балалар, бүгінгі оқу қызметімізді «Суретті қиынды» ойынымен қорытынтылаймыз. Шарты: Алдарыңда суретті қиындылар берілген.Сол қиындыларды құрастыру арқылы табылған сөзді оқу. Балалар бүгінгі оқу қызметі сіздерге ұнадыма ? -Біз бүгін қандай әріппен таныстық? -Ғ дыбысы дауысты дыбыс па,дауыссыз дыбыс па? -Балаларды мақтап, мадақтау. |
Күтілетін нәтиже:
Біледі: Суретке қарап сөйлем құрауды,сөздерге дыбыстық талдау жасауды.
Игереді: «Ғ» әрпінің дауыссыз дыбыс екенін.
Меңгереді: «Ғ» дыбысын сөз ішінде дұрыс айта білуді.
|
|
