Елімізде білім беру деңгейін өркениетті елдер қатарына қосуды алға ұстанған реформа аясында көптеген шаралар атқарылды. Барлық мұғалімдер дайындық курстарынан өтіп, білімдерін жетілдірді.
«Ұстаз бен оқушы бірге жетіледі: білім беру – жартылай оқумен тең» деп Ли Цзи атап өткендей жаңартылған білім беру мазмұнында мұғалім «Нені үйретемін?» дегеннен гөрі, оқушы «Нені үйренемін?» деген сауал төңірегінде жұмыс істейді. Осы тұстағы өзгерістерге тоқталатын болсақ: білім беру парадигмасы, білім берудің мазмұнының жаңаруы, жаңа көзқарас, жаңаша қарым-қатынас пайда болды. Алдымызда отырған оқушылардың бойында кең ауқымды дағдыларды сіңіруге баса назар аударылды. Жаңартылған білім мазмұнының ерекшелігі - мұғалімнің бағыттауымен оқушының өздігінен білім алуы. Белсенді оқыту арқылы түрлі әдіс-тәсілдердерді қолдана отырып оқушылардың барлығын сабаққа жұмылдыру, ынтасын, пәнге деген қызығушылығын оятуға болатынына көзіміз жетті.
Мұғалімдерге арналған оқу бағдарламаларында оқу мақсттары айқын және бірізділік сақталып, спиральділік қағидатты басшылыққа ала отырып берілген. Пәнді оқу нәтижесінде оқушылардың меңгерген білім деңгейі таксономиялық тәсіл (білуі, түсінуі, қолдануы, талдауы, жинақтауы және бағалауы) негізінде анықталады. Сондықтан әрбір сабақтың оқу мақсаттарын айқын белгілеу ұстаздар үшін өте маңызды.
Біздің қоғамымыз үшін ұлттық рух пен ұлттық мүделерді алдыңғы орынға қойып, азаматтық пен адамгершілік ұстамдарынан ауытқымауы аса маңызды. Сондықтан , тәрбиелей отырып, сапалы білім беру ұстанымын қою қажет. Біз осы мақсатты жүзеге асыру үшін — рухани – адамгершілік құндылықтарды бала бойына сіңіруді де жолға қойып отырмыз. Сонда білім мазмұны да, құрылымы да, оқыту технологиялары да мақсатқа жетуге бағытталуына басты назар аудару керек. Осындай құндылықтарды бойына сіңірген бала
«Қазақстандық білім беру жүйесінің бәсекеге қабілеттілігін арттыру» мақаласындағы жолдау мақсатының орындалуына қол жеткізе алады. Аталған бағдарламалар мазмұнын берген уақытта оқушы тек білім алып қоймайды, рухани болмысын да қалыптастырады.Жалпы алғанда әрбір пәннің бағдарлама бойынша берілген ортақ тақырып, бөлімдері және бөлімшелерін ажырата отырып, сол бөлімдегі оқу мақсаттары туралы мұғалімдерде түсінік болуы керек. Мысалы қазір өзім оқытып отырған.
1-сыныпта сауат ашу пәнінен оқушыларға тыңдалым және айтылым, оқылым, жазылым дағдыларына сәйкес жұмыс жасауды жоспарлау қажет. Сонда бір сабақта бірнеше оқу мақсаттары қарастырылады. Соларды жүйелеп қолдана білу мұғалімнен үлкен жауапкершілікті қажет етеді. Мысалы: «Ш дыбысы және әрпін» өткен кезде мен сабағымда мынандай оқу мақсаттарын қолдандым. Сабақтың тақырыбы: Ш дыбысы және әрпі Оқу мақсаттары:
1.2.9.1. әріпті тану, ажырату және оны дыбыспен сәйкестендіру
1.2.1.2. оқудың түрлерін (буындап оқу, жиі кездесетін сөздерді тұтас оқу, түсініп оқу) қолдану
1.1.5.1. түрлі жағдаяттарда этикет сөздерін қолдану
1.3.11.1. сөйлемді бас әріппен бастап жазып, сөйлем соңына тиісті тыныс белгілерін қою
Оқушылардың деңгей бойынша саралау мақсатында оырндайтын нақты жұмыстары көрсетіледі.
Осы мақсаттардың барлығы жұмыс жасағанда сабақ толық болады. Сабақтың мақсатына жету үшін сынып ішін шармен безендіріп, оқушыларға ширату ретінде, сабақтың тақырыбы мен мақсатын ашу үшін «Балалар, бүгін сынып іші ерекше. Неге олай?» деген сұрақтарға жауап алу арқылы, «Шар» деген сөзді шығарып, тақырыпқа шығамыз. Осы жерде алған қойған бірінші мақсатпен жұмыс жасау жүзеге асады.
Аудиожазбаларды тыңдау, оқулықпен жұмыс жасау арқылы екінші оқу мақсатын жүзеге асырамыз. Ал жоғарыда атап өткендей рухани – адамгершілік тұрғыда тәрбе беру үшін мәтіндегі және сыныптағы жағдайды басшылыққа алып, бүгінгі туған күн иелерін құттықтап, сабақ соңында оларға шар беру оқушыларды қуанышқа бөлейтіні сөзсіз.
