Қазақ елі бабалардың ерлігі,
Жеңіс туы,Алашымның бірлігі.
Ата-баба аманатын жеткізу,
Жас ұрпақтың жалғастырар міндеті.
Тәуелсіздік тәтті үмітім сен едің,
Тарихымнан біліп едің нендей шың?
Бабаларым ерлік жасап еліме,
Кеттің мәңгі енді қайтып келмеске.
Азаттыққа басын тіккен майдан бұл,
Өріледі кеш батқанда айдан нұр.
Бас иемін желтоқсандық боздақтар,
Құрадым мен өшпестей қып ойдан жыр.
Ел намысын қорғаған мәрт ұлдары,.
Қызыл тілін қылыш еткен қыздары.
Қанды тарих қала берер мәңгіге,
Желтоқсанның жалындаған ызғары.
Шежірең бар тарихың бар ғажап-ақ,
Сенген кімдер өткеніңді санамақ.
Дәл осылай бейбіт болсын қашанда,
Жас ұрпағың бақытыңды қаламақ.
Тәуелсіздік таңы атты алайда,
Отыз елмен тең боламыз қалайда.
Күллі әлемге қазақ елін таныту,
Жастарымның парызы бұл, жарай ма?
Ұлы Алаштың бағындағы бағысың,
Арайлаған әрбір атқан таңысың.
Елбасымыз Әбішұлы Нұрсұлтан,
Еркін елдің ең алғашқы ханысың.
Ой санамыз жаңалыққа бет бұрды,
Елбасының жолдауы да кеп тұрды.
Нақты айтылған жүз қадамды жаңғыру,
Руханилық саясаты сеп болды.
Дархан елім, мәңгі жаса қазағым,
Арттта қалды –ау қиындық пен азабың
Сен азатсың сен ғажапсың ұлы елім
Мәңгілік ел, жаса мәнгі қазағым!
